قىزىلوردا وبلىستىق كوپبەيىندى اۋرۋحاناسىندا ءۇش ناۋقاسقا بۇيرەك ترانسپلانتاتسياسى ءساتتى جاسالدى, دەپ جازادى Egemen.kz.
العاشقى ترانسپلانتاتسيا 41 جاستاعى ايەل ادامعا جاسالدى. رەتسيپيەنتتىڭ اعاسى دونور بولىپ, بۇيرەگىن بەردى. وسى كۇنى 20 جاستاعى جىگىتتىڭ دە بۇيرەگى اۋىستىرىلدى. دونور ناۋقاستىڭ 54 جاستاعى اناسى بولدى. ءۇشىنشى وتاداعى 43 جاستاعى ايەلگە ەرى ءبىر بۇيرەگىن بەرىپ وتىر.
ترانسپلانتاتسيانى قىزىلوردا وبلىستىق كوپبەيىندى وبلىستىق اۋرۋحاناسىنىڭ باس دارىگەرى, ترانسپلانتولوگ, PhD جاسۇلان بايماحانوۆ, باس دارىگەردىڭ حيرۋرگيا جونىندەگى ورىنباسارى, PhD ەربول سەرىك ۇلى جانە «ا.ن. سىزعانوۆ اتىنداعى ۇلتتىق عىلىمي حيرۋرگيا ورتالىعى» اق ترانسپلانتولوگتارى ەرنۇر بەلگىباەۆ, ەلشات نابيەۆتىڭ كومانداسىمەن بىرلەسىپ جاسادى. قازىر ءساتتى وتكەن وتادان كەيىن ناۋقاستار ءتيىستى ەم قابىلداپ جاتىر.
بۇعان دەيىن وسى اۋرۋحانادا 8 رەت بۇيرەك, 1 باۋىر الماستىرۋ وتاسى ءساتتى جاسالعان.